monumenta.ch > Beda Venerabilis > bmv343.210 > bnf13013.130 > bkeCod.15.189v > sectio 12 > sectio 6 > bnf13013.102 > uwbM.p.th.f.12.57 > bkeCod.15.172v > csg250.296 > bavPal.lat.1448.176 > sectio 25 > ad Corinthios I, 15 > bnf2495.108 > csg250.209 > sectio 33 > bnfNAL1615.154 > sectio 63 > csg251.114 > csg248.152 > sectio 20 > sectio 38 > sectio 48 > sectio 8 > sectio 7 > csg250.250 > sectio 10 > sectio 99 > sectio 9 > sectio 121 > sectio 147 > sectio 28 > sectio 9 > sectio 51 > csg248.156 > uldLIP7.203 > bnf6797.155 > sectio 7 > bnf2495.104 > bnf13013.110 > csg248.147 > sectio 8 > sectio 1 > csg250.239 > bnf6795.288 > sectio 12 > sectio 7 > Hugo de S Victore Incertus, Posteriores excerptiones, p3, p6, CAP. II. De Saule, David et cithara eius.
Hugo de S Victore Incertus, Posteriores excerptiones, LIBER SEXTUS. IN I ET II REGUM. - A DAVID USQUE AD SALOMONEM., , CAP. I. De scissione pallii Samuelis. <<< >>> CAP. III. De acie Israel et Philisthiim.
CAP. II. De Saule, David et cithara eius.
1 Spiritus Domini recessit a Saul, et exagitabat eum spiritus nequam a Domino. 2 Dixeruntque servi Saul ad eum: Ecce spiritus Domini malus exagitat te. 3 Iubeat ergo dominus noster rex, et servi tui, qui coram te sunt, ut quaerant hominem scientem psallere cithara, ut quando arripuerit te spiritus Domini malus, psallat manu sua, et levius feras (I Reg. XVI). 4 Spiritus Domini malus, diabolus, licet afflictionem iustorum semper appetat, tamen, si a Deo potestatem non accipit, ad tentationis articulum non convalescit. 5 Potestas ergo diaboli, quia a Domino est, nonnisi iusta esse potest; omnis autem voluntas eius iniusta est. 6 Ex se enim tentare iniuste appetit, sed eos qui tentandi sunt, et prout tentandi sunt, Deus iuste tentari permittit. 7 Ideo ipse spiritus, et Domini appellatur, et malus: Domini, per licentiam iustae potestatis; malus, per desiderium iniustae voluntatis. 8 Formidari igitur non debet, qui nihil nisi permissus valeat agere. 9 Quamvis enim a Domino malignitas non sit, potestas nisi a Domino non est. 10 Erat quidem David in canticis musicis eruditus. 11 Diversorum sonorum rationabilis moderatusque concentus concordi varietate compactam ordinatae Ecclesiae significat unitatem, quae variis modis quotidie resonat, et suavitate mystica modulatur. 12 David adhuc puer in cithara suaviter, imo fortiter canens, malignum spiritum qui exagitabat Saulem compescebat: non quod eius cithara tantam virtutem haberet, sed figura crucis Christi, per lignum et chordarum extensionem mystice gerebat, quae iam tunc daemones effugabat. 13 Tropologice autem hoc facto ad compatiendum proximo instruimur. 14 Plerumque enim superbus dives exhortationis blandimento placandus est, quia plerumque dura vulnera per levia fomenta mollescunt, et furor insanorum saepe ad salutem medico blandiente reducitur. 15 Cumque eis in dulcedine condescenditur, languor insaniae mitigatur. 16 Neque enim negligenter intuendum est quod cum Saulem spiritus adversarius invaderet, apprehensa David cithara, eius insaniam sedabat. 17 Quid enim per Saulem, nisi elatio potentium? et quid per David innuitur, nisi humilis vita sanctorum? Cum ergo Saul ab immundo spiritu arripitur, David canente eius insania temperatur; quia, cum sensus potentium per elationem in furorem vertitur, dignum est ut ad salutem mentis, quasi dulcedine citharae, locutionis nostrae tranquillitate revocetur.